PhD drwy Draethawd Ymchwil

Dyma'r llwybr mwyaf poblogaidd i ennill doethuriaeth.  Fel arfer, byddwch yn cofrestru ar gyfer MPhil/PhD i ddechrau ac yn gwneud cais i drosglwyddo o MPhil i PhD ar ddiwedd eich blwyddyn gyntaf.  Ar ddiwedd eich rhaglen, byddwch yn cyflwyno ar gyfer arholiad ac yn amddiffyn traethawd ymchwil (dim mwy na 100,000 o eiriau) ar eich pwnc cymeradwy sy'n gorfod dangos cyfraniad gwreiddiol at wybodaeth.

Efallai y bydd modd cofrestru'n uniongyrchol ar gyfer y dyfarniad PhD os oes gennych eisoes radd Meistr a oedd yn cynnwys elfen ymchwil sylweddol ar yr amod ei bod yn yr un ddisgyblaeth â'ch ymchwil arfaethedig ac yn cynnwys hyfforddiant mewn ymchwil a gweithredu prosiect ymchwil.

Lle bo'ch cyflwyniad yn cynnwys eich gwaith creadigol eich hun neu rifyn ysgolheigaidd o waith creadigol pobl eraill, bydd y cyfrif geiriau yn cael ei leihau i ddim mwy na 40,000 o eiriau. 

Hydn:

• Amser llawn: 3-4 o flynyddoedd
• Rhan-amser: 5 mlynedd

PhD drwy Bortffolio

Byddwch yn cyflwyno ar gyfer arholiad ac yn amddiffyn portffolio cymeradwy sy'n cynnwys uchafswm o dri phrosiect a chanlyniadau cysylltiedig, ynghyd â throsolwg beirniadol.  Gall y prosiectau fod yn gysylltiedig ag arfer proffesiynol, a/neu'n deillio o ymchwiliad empirig neu gysyniadol.  Disgwylir i'r cyflwyniad ddangos cyfraniad annibynnol a gwreiddiol at wybodaeth sydd o leiaf yn cyfateb i'r hyn a ddisgwylir mewn Traethawd Ymchwil PhD.

Bydd y rhan fwyaf o'r prosiectau a'r allbynnau cysylltiedig yn cael eu cwblhau ar adeg cofrestru.

Hyd:

• Rhan-amser: 1 i 5 mlynedd

PhD drwy Gyhoeddi

Os ydych yn aelod o staff yn y gorffennol neu’r presennol, alumni, neu os oes gennych gysylltiadau cryf iawn â Phrifysgol De Cymru, cewch wneud cais am PhD drwy gyhoeddi. Byddwch yn cyflwyno ar gyfer arholiad ac yn amddiffyn corff cymeradwy o waith cyhoeddedig, ynghyd â throsolwg beirniadol.

Fel arfer, bydd ymgeiswyr am PhD drwy gyhoeddi'n gofyn am chwe erthygl cyfnodolyn a adolygir gan gymheiriaid, neu benodau llyfrau cyfatebol neu fonograffau, fel unig awdur neu awdur cyntaf.

Hyd:

• Rhan-amser: 1 i 2 flynedd

Gofynion Mynediad

Fel arfer, bydd gan ymgeiswyr un o'r canlynol:

• Gradd anrhydedd 2:1 yn y DU mewn pwnc perthnasol (neu gyfwerth)
• Cymhwyster Meitr yn y DU mewn pwnc perthnasol (ne gyfwerth)
• Cymhwysterau/profiad perthnasol, priodol sy'n cael eu hystyried gan y Brifysgol yn gyfwerth

Ar gyfer cofrestru'n uniongyrchol ar gyfer dyfarniad PhD (heb yr angen i 'drosglwyddo'), bydd gan ymgeiswyr un o'r canlynol hefyd:

• Gradd Meistr berthnasol yn y DU (neu gyfwerth) ag elfen ymchwil sylweddol yn yr un maes disgyblaeth â'r ymchwil arfaethedig a oedd yn cynnwys hyfforddiant mewn ymchwil a gweithredu prosiect ymchwilt
• Ymchwil sylweddol a/neu brofiad proffesiynol sydd wedi arwain at gyhoeddi gwaith, adroddiadau ysgrifenedig neu dystiolaeth briodol arall o gyflawniad